ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Չինաստանի իշխանությունները դեմ են արտահայտվել Միացյալ Նահանգների կողմից իրանական նավթ ներմուծող երկրների վրա ճնշում գործադրելու միակողմանի միջոցներին: Այդ մասին, ինչպես տեղեկացնում Է «Արմենպրես»-ը, ապրիլի 22-ին հայտարարել Է ՉԺՀ-ի ԱԳ նախարարության պաշտոնական ներկայացուցիչ Գեն Շուանը:

«Մենք միանշանակ դեմ ենք ԱՄՆ-ի միակողմանի միջոցներին եւ ամերիկյան «երկար ձեռքի իրավասությանը»,-նշել Է նա՝ հերթական մամուլի ասուլիսում մեկնաբանելով իրանական «նավթային» պատժամիջոցների գործողությունից առանձին պետությունների, այդ թվում՝ Չինաստանի դուրս բերումը դադարեցնելու Վաշինգտոնի մտադրությունների վերաբերյալ արեւմտյան լրագրողի հարցը:-ՉԺՀ-ի կառավարությունը մտադիր Է ակտիվ կառուցողական ներգործություն ունենալ հանուն շուկայի կայունության՝ նպատակ ունենալով պաշտպանել իր ազգային ձեռնարկությունների օրինական իրավունքները»: Ինչպես ապրիլի 21-ին հայտնել Է The Washington Post թերթը, վկայակոչելով Պետդեպարտամենտի իր աղբյուրները, ԱՄՆ-ի պետքարտուղար Մայքլ Փոմպեոն ապրիլի 22-ին կհայտարարի, որ Միացյալ Նահանգները մայիսի 2-ից մյուս երկրներին այլեւս դուրս չի բերելու իրանական «նավթային» պատժամիջոցների գործողությունից, հաղորդել Է ՏԱՍՍ-ը: