Փարիզում ձեռնամուխ են եղել Նոտր Դամում մնացած կտավների տարհանմանը
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: Ուժգին հրդեհից տուժած Փարիզի Աստվածամոր տաճարից դուրս են բերում այնտեղ մնացած կտավները: Այդ մասին, ինչպես տեղեկացնում Է «Արմենպրես»-ը, ապրիլի 19-ին հայտնել Է BFM TV-ն: Մեծ թվով փարիզցիներ ու զբոսաշրջիկներ Էին եկել՝ դիտելու արվեստի իրերի տարհանումը: Կտավները դուրս են բերում փողոց եւ բեռնում հատուկ ավտոմեքենաներում:
Ավելի վաղ Ֆրանսիայի մշակույթի նախարար Ֆրանկ Ռիեստերը հայտարարել Է, որ նկարները Նոտր Դամից կտեղափոխվեն «անվտանգ վայր»: Նա պարզաբանել Է, որ տաճարի ներսում գտնվող կտավները կրակից չեն տուժել եւ ենթակա են տեղափոխման:
Ֆրանսիական ԶԼՄ-ները նշում են, որ դրանք ավելի վաղ տարհանելը հնարավոր չի եղել, քանի որ փորձագետները նոր են միայն ավարտել կրակից տուժած տաճարի կառուցվածքի անվտանգության ու կայունության գնահատումը: Փարիզի Աստվածամոր տաճարում սաստիկ հրդեհ Է տեղի ունեցել ապրիլի 15-ին: Տաճարին զգալի վնաս Է հասցվել, հաղորդել Է «Ինտերֆաքս»-ը:
13 tableaux sauvés de Notre-Dame pic.twitter.com/Ntt89L1umj
— BFMTV (@BFMTV) 19 апреля 2019 г.
Բաժանորդագրվեք մեր ալիքին Telegram-ում