ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: Մոլորակի վրա 2018 թվականին ածխաթթվական գազի (CO2) արտանետումներն աճել են 560 միլիոն տոննայով՝ մինչեւ ավելի քան 33 միլիարդ տոննա պատմական առավելագույնը՝ Էնեգետիկական պաշարների պահանջարկի 2,3 տոկոս մեծացման եւ Էքստրեմալ եղանակային պայմանների պատճառով: Այդ մասին, ինչպես տեղեկացնում Է «Արմենպրես»-ը, ասված Է Էներգետիկայի միջազգային գործակալության (ԷՄԳ)՝ մարտի 26-ին հրապարակված զեկույցում:

«2018 թվականին Էներգապաշարների պահանջարկի մեծանալու պատճառով CO2-ի գլոբալ արտանետումները՝ կապված Էներգետիկայի հետ (անցյալ տարվա համեմատությամբ) աճել են 1,7 տոկոսով՝ մինչեւ 33,1 գիգատոննա CO2 (մեկ գիգատոննան հավասար Է 1 միլիարդ տոննայի)»,- նշում են հետազոտության հեղինակները: «Արտանետումների ավելացման 85 տոկոսը բաժին Է ընկել Չինաստանին, Հնդկաստանին եւ ԱՄՆ-ին, մինչդեռ Գերմանիայում, Ճապոնիայում, Մեքսիկայում, Ֆրանսիայում եւ Մեծ Բրիտանիայում դրանք կրճատվել են»,- նշված Է զեկույցում: Էներգապաշարների պահանջարկի զգալի աճը, ԷՄԳ-ի ղեկավար Ֆաթիհ Բիրոլի խոսքով՝ «անակնկալ Է դարձել շատերի համար» եւ Էլ ավելի դժվարացրել երկրների կողմից այն նպատակներին հասնելը, որոնք կապված են գլոբալ կլիմայի հետ, հաղորդել Է ՏԱՍՍ-ը: