ԱՄՆ-ի ֆինանսների նախարարը Չինաստանում առեւտրական բանակցություններ կվարի մարտի 28-29-ին
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: ԱՄՆ-ի ֆինանսների նախարար Սթիվեն Մնուչինը մարտի 28-ին Չինաստան կայցելի առեւտրի շուրջ երկօրյա բանակցություններ վարելու համար: Այդ մասին, ինչպես տեղեկացնում Է «Արմենպրես»-ը, մարտի 21-ին մամուլի ասուլիսում հայտնել Է ՉԺՀ-ի առեւտրի նախարարության պաշտոնական ներկայացուցիչ Գաո Ֆենը:
«Սթիվեն Մնուչինը, որը գլխավորելու Է բանակցային պատվիրակությունը, մարտի 28-29-ին այցով կգտնվի Չինաստանում առեւտրի հարցերի շուրջ կոնսուլտացիաներ անցկացնելու նպատակով. ի պատասխան՝ ապրիլի սկզբին ՉԺՀ-ի Պետխորհրդի փոխվարչապետ Լյու Հեն բանակցությունները շարունակելու համար ուղեւորվի Վաշինգտոն»,-ասել Է նա: Գաո Ֆենի խոսքով՝ ամերիկյան պատվիրակության կազմում ՉԺՀ կժամանի նաեւ առեւտրական բանակցություններում ԱՄՆ-ի ներկայացուցիչ Ռոբերտ Լայթհայզերը: «Կոնսուլտացիաների հետագա մանրամասների մասին մենք ժամանակին կտեղեկացնենք հասարակայնությանը»,-ասել Է նա, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում