«Հայաստանի կույրերի միավորումը» գույքահարկի գծով արտոնություն կստանա
ԵՐԵՎԱՆ, 19 ՄԱՐՏԻ, ԱՐՄԵՆՊՐԵՍ: «Հայաստանի կույրերի միավորում» հաշմանդամների հասարակական կազմակերպությանը գույքահարկի գծով արտոնություն կտրվի: «Արմենպրես»-ի հաղորդմամբ` Երևանի քաղաքապետարանի եկամուտների հաշվառման և գանձման վարչության պետ Արմեն Հարությունյանը նշեց, որ «Հայաստանի կույրերի միավորում» հաշմանդամների հասարակական կազմակերպության նախագահը դիմել է օրենքով սահմանված կարգով գույքահարկի գծով արտոնություն ստանալու խնդրանքով` պատճառաբանելով, որ կազմակերպությունը չունի ֆինանսական միջոցներ և գտնվում է ֆինանսական ծանր կացության մեջ, ինչի հետևանքով չի կարողանում կատարել գույքահարկի գծով հարկային պարտավորությունները:
Կենտրոն վարչական շրջանի Ավ. Իսահակյան, 18 և Քաջազնունի, 1 հասցեներում գտնվող շինությունների նկատմամբ սահմանված գույքահարկը կազմում է երեք միլիոն երեսունյոթ հազար հինգ հարյուր յոթանասունմեկ դրամ:
Որոշումն ընդունվեց ձայների 31 կողմ, 3 դեմ համամասնությամբ:
Բաժանորդագրվեք մեր ալիքին Telegram-ում