Ժամանակը Երևանում՝ 11:07:36,   23 Մարտ

ԱՊՀ-ի երկրները համաձայնեցրել են ՀՕՊ-ի միավորված համակարգի հետագա զարգացումը


ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: ԱՊՀ-ի երկրների զինված ուժերի շտաբների պետերը համաձայնեցրել են հակաօդային պաշտպանության միավորված համակարգի հետագա զարգացումը: Այդ մասին, ինչպես հաղորդել Է ՌԻԱ Նովոստին, մարտի 14-ին հայտնել Է ՌԴ զինված ուժերի գլխավոր շտաբի պետ բանակի գեներալ Վալերի Գերասիմովը՝ փակելով ԱՊՀ-ի երկրների շտաբների պետերի կոմիտեի նիստը, տեղեկացնում Է «Արմենպրես»-ը:

«Համատեղ աշխատանքի շրջանակում հավանություն Է տրվել մինչեւ 2025 թվականը ռազմական համագործակցության զարգացման հիմունքներին, համաձայնեցված են օդատիեզերական պաշտպանության խնդիրների լուծմանը ՀՕՊ-ի միավորված համակարգի ադապտացման ուղիները, ինչպես նաեւ նախանշված են հաջորդ տարվա համատեղ միջոցառումները»,-ասել Է Գերասիմովը:

Կոմիտեի աշխատանքին մասնակցել են Հայաստանի, Ադրբեջանի, Բելառուսի, Ղազախստանի, Ղրղզստանի, Ռուսաստանի, Տաջիկստանի եւ Ուզբեկստանի զինված ուժերի գլխավոր շտաբների պատվիրակությունները:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ