Սիրիայում գտնվող հայ սակրավորներից մեկը ականային պատահարից վնասվածք է ստացել. նրա կյանքին վտանգ չի սպառնում
23:53, 7 Մարտ 2019
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ։ «Հումանիտար ականազերծման և փորձագիտական կենտրոն»-ը տեղեկացնում է, որ Սիրիայում մարդասիրական առաքելություն իրականացնելու ընթացքում այսօր՝ մարտի 7-ին, տեղի է ունեցել ականային պատահար, որի ժամանակ հայ մասնագետների խմբի սակրավորներից մեկն աջ ոտնաթաթի վնասվածք է ստացել:
Ինչպես «Արմենպրես» - ը տեղեկացավ «Հումանիտար ականազերծման և փորձագիտական կենտրոն»-ի ֆեյսբուքի էջից, պատահարի պատճառ է հանդիսացել պլաստիկե իրանով ծուղակ ականը: Վիրավորված ականազերծողը շտապ տեղափոխվել է հոսպիտալ, վիրահատվել է:
Նրա կյանքին վտանգ չի սպառնում:
Ականազերծման աշխատանքները շարունակվում են:
Բաժանորդագրվեք մեր ալիքին Telegram-ում