Գյումրեցի ծանրորդը Հայաստանի առաջնության հաղթանակը նվիրեց Յուրի Վարդանյանի հիշատակին
ԵՐԵՎԱՆ, 15 ՓԵՏՐՎԱՐԻ, ԱՐՄԵՆՊՐԵՍ: Ծանրամարտի Հայաստանի առաջնության չեմպիոն, 109 կգ քաշային Սամվել Գասպարյանը Եվրոպայի առաջնությանը մասնակցելու համար չի սահմանափակվելու ներքին առաջնությունում գրանցած արդյունքով:
«Վիրահատությունից հետո քիչ եմ մարզվել և մասնակցում էի Հայաստանի առաջնությանը: 2 ամսվա ընթացքում հաջողվեց բարձրացնել երկամարտում 356 կգ: Այս առաջնությունում նոր արդյունքներ գրանցեցի ինքս ինձ համար»,-«Արմենպրես»-ի հաղորդմամբ` լրագրողների հետ զրույցում ասաց Գասպարյանը:
Գյումրեցի մարզիկը պարգևատրման արարողությանը ներկայացել էր հատուկ շապիկով, որի վրա հայկական ծանրամարտի լեգենդ Յուրի Վարդանյանն էր: «Հաղթանակը Հայաստանի առաջնությունում Յուրի Վարդանյանին նվիրելը շատ փոքր բան է: Կաշխատեմ ավելի մեծ բարձունքների հասնել և նվիրել մեր լեգենդար մարզիկի հիշատակին»,-ասաց Գասպարյանը:
Սամվել Գասպարյանը ծանրամարտի Հայաստանի առաջնությունում երկամարտի արդյունքում գրանցեց 390 կգ արդյունք:
Բաժանորդագրվեք մեր ալիքին Telegram-ում