Ալեն Սիմոնյանը վիրահատվել է. ինքնազգացողությունն արդեն լավ է
16:02, 1 Փետրվար 2019
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ։ 7-րդ գումարման Ազգային ժողովի փոխնախագահ, «Իմ քայլը» խմբակցության անդամ Ալեն Սիմոնյանը վիրահատվել է:
«Արմենպրես»-ի հետ զրույցում Սիմոնյանի օգնական Հասմիկ Հակոբյանը նշեց, որ վիրահատությունը լավ է անցել:
«Ալեն Սիմոնյանը տևական ժամանակ է, ինչ շնչառության հետ կապված խնդիրներ ուներ: Եվ բժիշկների խորհրդով նախօրեին կատարվել է վիրահատական միջամտություն: Եղել է պլանավորված վիրահատություն: Հիմա իրեն շատ լավ է զգում»,-ասաց Սիմոնյանի օգնականն ու հավելեց՝ անհանգստանալու կարիք չկա, վիրահատությունը լավ է անցել:
Ալեն Սիմոնյանը մի քանի օրից արդեն կվերադառնա իր բնականոն աշխատանքային գրաֆիկին:
Ալեն Սիմոնյանն Ազգային ժողովի փոխնախագահ է ընտրվել 2018-ի հունվարին խորհրդարանի նիստում փակ քվեարկությամբ:
Բաժանորդագրվեք մեր ալիքին Telegram-ում