Ժամանակը Երևանում՝ 11:07:36,   23 Ապրիլ

Դեսպան Տիգրան Մկրտչյանը հանդիպել է Լատվիայի ԱԳՆ քաղաքական տնօրենի հետ


ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Աշխատանքային այցով Ռիգայում գտնվող Լատվիայում ՀՀ դեսպան Տիգրան Մկրտչյանը Հունվարի 23-ին (նստավայրը՝ Վիլնյուս) հանդիպել է Լատվիայի ԱԳՆ քաղաքական տնօրեն Յանիս Մաժեյկսին (Jānis Mažeiks):

Ինչպես «Արմենպրես»-ին տեղեկացրին ՀՀ ԱԳՆ լրատվության և հանրային դիվանագիտության վարչությունից, հանդիպման սկզբում դեսպան Մկրտչյանը շնորհավորել է Լատվիայում կառավարության ձևավորման հապակցությամբ՝ մաղթելով հաջողություն և արդյունավետ աշխատանք: Շնորհակալություն հայտնելով բարեմաղթանքների համար՝ Յանիս Մաժեյկսը նշել է, որ կառավարության ձևավորումը հնարավորություն կտա խորացնել առկա համագործակցությունը երկու երկրների միջև:

Զրուցակիցները քննարկել են ՀՀ-ԵՄ ՀԸԳ համաձայնագրի իրականացման ընթացքը, երկկողմ օրակարգի խթանման, միջազգային հարթակներում կապերի սերտացման և առևտրատնտեսական համագործակցության ընդլայնմանն առնչվող հարցեր: Այդ համատեքստում դեսպան Մկրտչյանն ընդգծել է ընթացիկ տարում հայ-լատվիական միջկառավարական հանձնաժողովի նիստն անցկացնելու անհրաժեշտությունը՝ հավելելով, որ ստորագրման ենթակա բոլոր պայմանագրերը և նախապատրաստական աշխատանքներն արդեն ավարտված են: Լատվիացի դիվանագետը նշել է, որ Լատվիայի և Հայաստանի միջև առևտրաշրջանառությունը աճում է, թեև առկա են շատ ավելի մեծ հնարավորություններ։

Հանդիպման ընթացքում քննարկվել են տարածաշրջանային և միջազգային հետաքրքրություն ներկայացնող հարցեր, անդրադարձ է եղել երկու երկրներում տեղի ունեցող ներքաղաքական զարգացումներին: Դեսպան Մկրտչյանը ներկայացրել է ՀՀ նոր կառավարության որդեգրած տնտեսական քաղաքականության առանցքային կետերը և Հայաստանում իրականացվող բարեփոխումների ընթացքը:

Կողմերը կարևորել են երկու գերատեսչությունների միջև քաղաքական խորհրդակցությունների անցկացման շարունակականութունը, քննարկվել է առաջիկայում տարբեր մակարդակներով արցելությունների կազմակերպման հնարավորությունը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ