Ժամանակը Երևանում՝ 11:07:36,   20 Փետրվար

Կառավարությունը արտոնություն տրամադրեց «ԲԱԼԱԲԵԿՅԱՆ ԱԳՐՈ» ՍՊԸ-ին


ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության կառավարությունը «ԲԱԼԱԲԵԿՅԱՆ ԱԳՐՈ» ՍՊԸ -ի կողմից ապրանքների ներմուծման դեպքում մաքսային և հարկային մարմինների հաշվարկած ավելացված արժեքի հարկի գումարների վճարման ժամկետը հետաձգեց երեք տարի ժամկետով: 

«Արմենպրես»-ի փոխանցմամբ`այսպիսի որոշում կայացվեց գործադիրի հունվարի 24-ի նիստում:

Տնտեսական զարգացման և ներդրումների նախարար Տիգրան Խաչատրյանի խոսքով՝ ընկերությունը Կոտայքի մարզի Արզական գյուղում հիմնում է ժամանակակից, ինտենսիվ պտղատու այգի:

«Սա ընթացքի մեջ գտնվող ներդրումային ծրագիր է: Մինչ այժմ հաստատված էր, որ ապրանքների ու սարքավորումների արժեքը պետք է կազմի 14 մլն 313 հազար դրամ, սույն փոփոխությամբ առաջարկվում է այդ գումարը դարձնել 33 մլն 249 հազար  767 դրամ: Կազմակերպությունը Արզական գյուղում 8 հա հողատարածքի վրա հիմնում է ժամանակակից ինտենսիվ պտղատու այգի: Այս փոփոխությամբ 18,9 մլն դրամ ընդհանուր արժեքով սարքավորումների և այլ անհրաժեշտ պարագաների ԱԱՀ-ն կհետաձգվի երեք տարով»,- ասաց Խաչատրյանը:

Նախարարը նշեց, որ ընկերությունը նպատակադրված է կատարել շուրջ 120 մլն դրամի չափով ներդրումներ, որոնք պետք է իրականացվեն մի քանի փուլերով: Նախատեսվում է երեք տարում ստեղծել 15 աշխատատեղ՝ միջինը 90 հազար դրամ աշխատավարձով:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ