Ֆուտբոլիստ Սալային փոխադրող ինքնաթիռը ռադարներից անհետացել Է Նորմանդական կղզիների շրջանում. AFP
14:02, 22 Հունվար 2019
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Ինքնաթիռը, որում գտնվում Էր «Քարդիֆ» ակումբի արգենտինացի հարձակվող Էմիլիանո Սալան, ռադարներից անհետացել Է Նորմանդական կղզիների շրջանում: Այդ մասին, ինչպես տեղեկացնում Է «Արմենպրես»-ը, հունվարի 22-ին հայտնել Է Agence France-Presse-ը (AFP)՝ վկայակոչելով իրավապահ մարմինների աղբյուրներ:
Տուրիստական ինքնաթիռի հետ կապը, որը կատարում Էր Նանտ-Կարդիֆ չվերթը, կորել Է հունվարի 21-ի երեկոյան Նորմանդական կղզիների մեջ մտնող Գեռնսի կղզուց 20 կիլոմետր հյուսիս ընկած շրջանում՝ Լա-Մանշի նեղուցում: Ինքնաթիռի որոնումներն ընդհատվել Էին գիշերը եւ շարունակվել հունվարի 22-ի առավոտյան: AFP-ի տվյալներով՝ օդանավում եղել Է երկու մարդ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում