Ժամանակը Երևանում՝ 11:07:36,   21 Հունվար

Եվրոպայում առատ ձնատեղումները եւ միջերկրածովյան շրջանում տեղումները կշարունակվեն. ՕՀԿ


ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Առաջիկա շաբաթներին ձյան առատ տեղումները Եվրոպայում եւ տեղումները արեւելյան միջերկրածովյան տարածաշրջաններում կշարունակվեն, զբոսաշրջիկները պետք Է ուշադիր լինեն տեղական իշխանությունների հանձնարարականների նկատմամբ: Այդ մասին, ինչպես տղեկացնում Է «Արմենպրես»-ը, հունվարի 11-ին Ժնեւում կայացած բրիֆինգում հայտնել Է Օդերեւութաբանության համաշխարհային կազմակերպության (ՕՀԿ) պաշտոնական ներկայացուցիչ Քլեր Նուլիսը:
«Իրադրությունը փոքր-ինչ թեթեւացել Է, բայց ձյան տեղումներ են սպասվում հանգստյան օրերին եւ երկուշաբթի: Բարելավման առաջին նշաններն ի հայտ կգան երեքշաբթի օրվանից»,-ասել Է նա:
ՕՀԿ-ի ներկայացուցչի խոսքով՝ ցուրտ ճակատը եւս մեկ շաբաթ կպահպանվի Կենտրոնական Եվրոպայի արեւելյան մասում, ինչպես նաեւ Արեւելյան եւ Հարավարեւելյան Եվրոպայի երկրներում: Առաջիկա շաբաթներին այն կարող Է ընդգրկել նաեւ Եվրոպայի հյուսիսային եւ արեւմտյան տարածաշրջանները:
«Ցուրտ ճակատը նաեւ կբերի ընդգրկուն ցրտահարություններ ցածրավայրերում, ինչը կարող Է վտանգ ներկայացնել առողջության եւ բուսականության համար: Շատ շրջաններում կպահպանվի ձյան հաստ շերտը»,-ասել Է նա:
Նուլիսը հավելել Է, որ առաջիկա մեկ-երկու շաբաթվա ընթացքում նաեւ կշարունակվեն նորմայից բարձր տեղումները արեւելյան միջերկրածովյան տարածաշրջաններում եւ Մերձավոր Արեւելքի հյուսիսային մասում, ինչը կարող Է հանգեցնել սողանքների եւ հեղեղումների, հաղորդել Է ՌԻԱ Նովոստին:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ