ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ: Կանադայում Huawei ընկերության ֆինանսական տնօրեն Մեն Վանչժոուի ձերբակալման շուրջը Չինաստանի եւ ԱՄՆ-ի միջեւ հարաբերություններում ստեղծված լարվածությունը՝ սպառնում Է վերաճել բողոքի ակցիաների, ինչպես նաեւ ամերիկյան ապրանքների բոյկոտի, տեղեկացնում Է «Արմենպրես»-ը:

«Աճող լարվածությունը Չինաստանի որոշ ֆիրմաների եւ քաղաքացիների դրդում Է ամերիկյան ապրանքների բոյկոտի»,- դեկտեմբերի 11-ին գրում Է Պեկինի Global Times թերթը: Որպես օրինակ հրատարակությունը բերում Է այն հայտարարությունը, որը հրապարակել Է երկրի հարավի Շենչժենում գտնվող Menpad ընկերությունը, որն զբաղվում Է զանազան «խելացի» սարքերի թողարկմամբ:

Ընկերությունը հայտարարել Է, որ այսուհետեւ «ի նշան Huawei-ի պաշտպանության» գերադասությունը կտա այդ արտադրողի չիպերին, ինչպես նաեւ իր աշխատակիցներին կվճարի Huawei-ի արտադրության շարժական հեռախոսների արժեքի 15 տոկոսը, որոնք նրանք ձեռք կբերեն անձնական օգտագործման համար: Իսկ այն աշխատակիցներին, որոնց կնկատեն Apple-ի շարժական հեռախոսը ձեռքներին, «կպատժեն» բջջային կապի ամերիկյան հեռախոսի շուկայական արժեքի չափով տուգանքով:

Նաեւ Menpad-ը հրաժարվում Է գնել ամերիկյան արտադրության ավտոմոբիլներ: Apple-ը բոյկոտելու շարժումը թափ Է առնում նաեւ չինական սոցցանցերում, որտեղ ավելի ու ավելի հաճախակի են հայտնվում համապատասխան գրառումներ, հաղորդել Է ՏԱՍՍ-ը: