1000х90.jpg (78 KB)

Երևանում՝ 11:07,   28 Մարտ 2024

Կոռուպցիոն գործարքների չբացահայտման հայտարարություններն անհիմն են. Լենա Նազարյանը Հայկ Բաբուխանյանին ներկայացրեց յուրացումների փաստաթղթերի փաթեթը

Կոռուպցիոն գործարքների չբացահայտման հայտարարություններն անհիմն են. Լենա 
Նազարյանը Հայկ Բաբուխանյանին ներկայացրեց յուրացումների փաստաթղթերի 
փաթեթը

ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Ազգային ժողովի «Ելք» խմբակցության ղեկավար Լենա Նազարյանը անհիմն է  որակում ՀՀԿ խմբակցության պատգամավոր Հայկ Բաբուխանյանի դիտարկումը, թե իբր կառավարությունը չի բացահայտում կոռուպցիոն գործարքները, բյուջեն չի համալրում գողացված գումարներով: Որպես ապացույց՝ Նազարյանը խորհրդարանում Բաբուխանյանին հանձնեց յուրացումների և չարաշահումների փաստաթղթերի փաթեթը:

«Ուզում եմ անդրադառնալ Հայկ Բաբուխանյանի հայտարարությանը, թե կառավարությունը չի բացահայտում կոռուպցիոն գործարքները, բյուջեն չի համալրվում նախկին իշխանության կողմից գողացված գումարներով: Ես ուզում եմ ներկայացնել ՀՔԾ-ի և ԱԱԾ-ի, ՀՀ քննչական կոմիտեի և ոստիկանության կողմից բացահայտված վերջին ամիսների նյութերը: 170 հայտարարություն են տարածել այս մարմինները, որոնք հստակ բացահայտում են չարաշահումների, յուրացումների մասին տեղեկությունները: Այս գումարները, որոնք քննությամբ կպարզվեն, թե ինչպես են հայտնվել տարբեր պաշտոնյաների գրպաններում, կվերադարձվեն պետական բյուջե»,- «Արմենպրես»-ի հաղորդմամբ՝ ԱԺ ամբիոնից հայտարարեց Նազարյանը:

Նա նշեց՝ Հայկ Բաբուխանյանի հայտարարությունն անհիմն է: «Եվ ես այս փաթեթը Բաբուխանյանին ներկայացնում եմ ուսումնասիրության համար, որ այս ամբիոնից չհնչեն անտեղի հայտարարություններ կառավարության մասին»,- եզրափակեց Նազարյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]