Նոյեմբերի 19-ին՝ ժամը 18:00-ի դրությամ համաներմամբ ազատ է արձակվել 498 դատապարտյալ
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ:2018 թվականի նոյեմբերի 6-ից ուժի մեջ մտած «Էրեբունի-Երևանի հիմնադրման 2800-ամյակի և Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի շրջանակներում նոյեմբերի 19-ին՝ ժամը 18:00-ի դրությամբ, ազատ է արձակվել 498 դատապարտյալ:
Ինչպես «Արմենպրես»-ին տեղեկացրին ՀՀ ԱՆ քրեակատարողական ծառայության հանրային կապերի բաժնից, համաներմամբ ազատ արձակված դատապարտյալներից 13-ն օտարերկրյա քաղաքացիներ են:
«Նուբարաշեն» ՔԿՀ-ից ազատ է արձակվել 43, «Արթիկ» ՔԿՀ-ից՝ 40, «Վանաձոր» ՔԿՀ-ից՝ 14, «Վարդաշեն» ՔԿՀ-ից՝ 55, «Գորիս» ՔԿՀ -ից՝ 14, «Հրազդան» ՔԿՀ-ից՝ 28, «Աբովյան» ՔԿՀ-ից՝ 22, «Սևան» ՔԿՀ-ից՝ 143, «Կոշ» ՔԿՀ-ից՝ 59, «Արմավիր» ՔԿՀ-ից՝ 61, «Դատապարտյալների հիվանդանոց» ՔԿՀ-ից՝ 19 դատապարտյալ:
Բաժանորդագրվեք մեր ալիքին Telegram-ում