Գվատեմալայում հրաբխի ակտիվացման հետևանքով տարհանվել է շուրջ երեք հազար մարդ
19:02, 19 Նոյեմբեր 2018
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Գվատեմալայում Ֆուեգո հրաբխի ակտիվացման հետևանքով տարհանվել է առնվազն 2995 մարդ: Ինչպես հաղորդում է «Արմենպրես»-ը, այս մասին հայտնում է «ՌԻԱ Նովոստի»-ն:
Տեղական իշխանությունները վտանգի կարմիր մակարդակ են հայտարարել: Փակվել է հրաբխի հարակից կենտրոնական ճանապարհներից մեկը:
Ֆուեգո հրաբխի հզոր ժայթքում էր տեղի ունեցել հունիսին, որի հետևանքով տուժել էր 1,7 մլն մարդ: Ժայթքման հետևանքով զոհվել էր 160 մարդ:
Բաժանորդագրվեք մեր ալիքին Telegram-ում