ՀՀ նախագահը Բելառուսի հետ ապրանքաշրջանառության աճի ներուժ է տեսնում
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Հայաստանն ու Բելառուսը կարող են լրջորեն ավելացնել երկրների միջև ապրանքաշրջանառության ծավալները: Ինչպես հաղորդում է «Արմենպրես»-ը՝ վկայակոչելով բելառուսական Belta գործակալությունը, այս մասին Մինսկում լրագրողների հետ զրույցում ասել է Հայաստանի Հանրապետության նախագահ Արմեն Սարգսյանը:
«Մենք մեծ ներուժ ունենք: Ապրանքաշրջանառությունը կարող է մի քանի անգամ ավելանալ»,- ասել է նախագահը:
Նախագահ Արմեն Սարգսյանի գլխավորած պատվիրակությունը հոկտեմբերի 29-ին աշխատանքային այցով մեկնել է Բելառուս՝ մասնակցելու Մինսկում կայանալիք Մյունխենի անվտանգության համաժողովի Հիմնական խմբի հանդիպմանը:
Այցի շրջանակում նա հանդիպել է Բելառուսի նախագահ Ալեքսանդր Լուկաշենկոյի հետ, այցելել է Բելառուսի Գիտությունների ազգային ակադեմիա, ինչպես նաև հանդիպել է Բելառուսի հայ համայնքի ներկայացուցիչների հետ:
Բաժանորդագրվեք մեր ալիքին Telegram-ում