Նիկոլ Փաշինյանը հայտնել է Հայաստանում հայկական տնտեսական համաժողովի կազմակերպման մասին
17:31, 24 Հոկտեմբեր 2018
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում նախատեսվում է հայկական տնտեսական համաժողով կազմակերպել: «Արմենպրես»-ի հաղորդմամբ՝ այս մասին Ազգային ժողովում ՀՀ վարչապետի ընտրության նիստի իր եզրափակիչ ելույթում հայտարարեց ՀՀ վարչապետի թեկնածու, վարչապետի պաշտոնակատար Նիկոլ Փաշինյանը:
Նա նշեց, որ համաժողովը կանցկացվի կամ՝ Ջերմուկում, կամ՝ Դիլիջանում, կամ՝ Ծաղկաձորում: «Կարելի է ֆորումի անվանումը պայմանական «Հայկական Դավոս» դնենք, որտեղ հայկական ամբողջ բիզնես, տնտեսական և քաղաքատնտեսական միտքը կհավաքվի գաղափարներ գեներացնելու, կոնկրետ խնդիրներ լուծելու»,- նշեց նա:
Բաժանորդագրվեք մեր ալիքին Telegram-ում