Վիետնամի խորհրդարանը կառավարող Կոմկուսի գլխավոր քարտուղարին ընտրեց երկրի նոր նախագահ
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Վիետնամի Ազգային ժողովը (միապալատ խորհրդարան) հոկտեմբերի 23-ին երկրի նոր նախագահ Է ընտրել կառավարող Կոմունիստական կուսակցության Կենտրոնական կոմիտեի գլխավոր քարտուղար Նգուեն Ֆու Չոնգին: Նրա թեկնածությունը, ինչպես հայտնել Է խորհրդարանի հսկիչ հանձնաժողովը, պաշտպանել են օրենսդիր մարմնի պատգամավորները, որը, հանրապետության Սահմանադրության համաձայն, իշխանության բարձրագույն մարմինն Է եւ օժտված Է երկրի ղեկավարությանը նշանակելու եւ պաշտոնաթող անելու լիազորություններով, տեղեկացնում Է «Արմենպրես»-ը:
Պետության ղեկավարի պաշտոնը թափուր Էր մնացել այն բանից հետո, երբ սեպտեմբերի 21-ին մահացավ նախագահ Չան Դայ Կուանգան, որն այդ պաշտոնը պետք Է զբաղեցներ 2016-ից մինչեւ 2021 թվականը: Չան Դայ Կուանգայի մահից հետո երկրի նախագահի ժամանակավոր պաշտոնակատար Էր նշանակվել փոխնախագահ Դանգ Թհի Նգոկ Տհինը: Հոկտեմբերի սկզբին Վիետնամի Կոմկուսի կենտկոմի 12-րդ գումարման ութերորդ պլենումը միաձայն Վիետնամի նոր նախագահի պաշտոնի թեկնածու առաջադրեց կուսակցության կենտկոմի գործող գլխավոր քարտուղարին:
Պետության ղեկավարի պաշտոնում հաստատվելուց հետո Նգուեն Ֆու Չոնգը Վիետնամի ժամանակակից պետության մեջ դարձել Է երկրի երկրորդ նախագահը, որը միաժամանակ կուսակցության ղեկավար Է, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում