Նորաձեւության փորձագետները նշել են Մեծ Բրիտանիայի թագավորական ընտանիքի լավագույն հարսանեկան զգեստը
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: JD Williams բրիտանական ռեթեյլերի նորաձեւության փորձագետները հարցում են անցկացրել Միացյալ Թագավորության բնակիչների շրջանում եւ որոշել վերջին հարյուր տարվա ընթացքում թագավորական ընտանիքի ամենալավ հարսանեկան զգեստը:
Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը: Արդյունքում վարկանիշի առաջին տեղն զբաղեցրել Է Քեմբրիջի դքսուհի Քեյթ Միդլթոնի պսակադրության զգեստը՝ ժանյակե տոպով եւ շքեղ կիսաշրջազգեստով, որը պատրաստել Էր Alexander McQueen նորաձեւության տան կրեատիվ տնօրեն Սառա Բերթոնը: Դրա օգտին քվեարկել Է հարցման մասնակիցների 34 տոկոսը:
Երկրորդ հորիզոնականում հայտնվել Է արքայադուստր Դիանան եւ նրա փղոսկրի գույնի կուլտային զգեստը, որը կարվել Էր մետաքսե դիպակից եւ զարդարվել 10 հազար մարգարիտներով: Բրիտանացիների 18 տոկոսն ընտրել Է այդ զգեստը: Հարյուրամյակի ընթացքում ամենավատը ճանաչվել Է Մեծ Բրիտանիայի թագուհու դստեր՝ արքայադուստր Աննայի զգեստը. այն ոչ մի մարդ չի նշել: Եղիսաբեթի զգեստն ընտրել Է հպատակների 10 տոկոսը: Յորքի դքսուհի Սառա Ֆերգյուսոնի՝ հինգմետրանոց քղանցատուտով սատինե զգեստի օգտին քվեարկել Է հարցվածների 2 տոկոսը:
Բաժանորդագրվեք մեր ալիքին Telegram-ում