ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Նյու Յորքի քաղաքագլուխ Բիլ դե Բլազիոն ստորագրել Է կարգադրություն, որով թույլատրվում Է երրորդ սեռ նշել ծննդյան վկայականում: Ինչպես տեղեկացնում Է «Արմենպրես»-ը, հոկտեմբերի 10-ին այս մասին հայտնել Է Reuters-ը:

Գործակալության տվյալներով՝ դե Բլազիոն համապատասխան կարգադրությունն ստորագրել Է հոկտեմբերի 9-ին, ինչի շնորհիվ Նյու Յորք քաղաքն ԱՄՆ-ում դարձել Է հինգերորդը Կալիֆոռնիայի, Օրեգոնի, Վաշինգտոնի եւ Նյու Ջերսիի նահանգներից հետո, որտեղ արդեն թույլատրել են նշել երրորդ սեռը:

Նշված Է, որ տրանսգենդեր-ակտիվիստները երկար ժամանակ պնդում Էին, որ նման ուղղում ընդունվի: Ընդունված փաստաթղթի հիման վրա, ինչպես նշել Է Reuters-ը, այն մարդիկ, ովքեր չեն կարողանում իրենց արական կամ իգական սեռին դասել, իրավունք ունեն գրավոր դիմում տալ ծննդյան վկայականում սեռական պատկանելության սյունակում նշումը «երրորդ սեռով» փոխելու մասին: Դիմում ներկայացնելու համար բժշկական տեղեկանք չի պահանջվում, հաղորդել Է ՏԱՍՍ-ը: