Շառլ Ազնավուրի հրապարակում տեղի կունենա շանսոնյեի հիշատակի մոմավառություն
18:03, 1 Հոկտեմբեր 2018
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի Շառլ Ազնավուրի հրապարակում շանսոնյեի հիշատակին նվիրված մոմավառություն կկազմակերպվի: «Արմենպրես»-ի փոխանցմամբ` այս մասին հոկտեմբերի 1-ին տեղեկացնում է «Ֆեյսբուք»-ի ՀՀ կառավարության պաշտոնական էջը:
«Այսօր 20:00-ին Երևանի Շառլ Ազնավուրի անվան հրապարակում տեղի կունենա մոմավառություն` ի հիշատակ Հայաստանի ազգային հերոս Շառլ Ազնավուրի»,- գրված է հաղորդագրությունում:
Հոկտեմբերի 1-ին 94 տարեկան հասակում կյանքից հեռացել է մեծանուն ֆրանսահայ շանսոնյե Շառլ Ազնավուրը:
Բաժանորդագրվեք մեր ալիքին Telegram-ում