Շախմատի օլիմպիադային պատրաստվող Հայաստանի թիմերի կազմերը հայտնի են
11:13, 17 Սեպտեմբեր 2018
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: 43-րդ օլիմպիադային պատրաստվող Հայաստանի շախմատի տղամարդկանց հավաքականի կազմը հայտնի է:
«Արմենպրես»-ի հաղորդմամբ` առաջին խաղատախտակին անփոփոխ առաջատար Լևոն Արոնյանն է: Երկրորդ համարով հանդես կգա Գաբրիել Սարգսյանը: Երրորդ խաղատախտակին կլինի Հրանտ Մելքումյանը, իսկ վերջին խաղատախտակին կմրցի Ռոբերտ Հովհաննիսյանը: 4-րդ պահեստային խաղացող կլինի Հայաստանի չեմպիոն Հայկ Մարտիրոսյանը:
Կանանց թիմը հանդես կգա հետևյալ կազմով` Էլինա Դանիելյան, Լիլիթ Մկրտչյան, Աննա Սարգսյան, Մարիա Կուրսովա, Սիրանուշ Ղուկասյան:
Շախմատի 43-րդ օլիմպիադան այս տարի կանցկացվի սեպտեմբերի 23-ից հոկտեմբերի 7-ը Բաթում քաղաքում:
Բաժանորդագրվեք մեր ալիքին Telegram-ում