Volkswagen-ը հայտարարել Է լեգենդար «Բզեզի» արտադրությունն ավարտելու մասին
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Volkswagen of America-ն (VWoA) հայտարարել Է, որ դադարեցնում Է Volkswagen Beetle (Բզեզ) լեգենդար մոդելի արտադրությունը: Այդ մասին, ինչպես տեղեկացնում Է «Արմենպրես»-ը,հայտնել Է ընկերությունը:
«Երեք սերնդից հետո «Բզեզը» կորցնելը, որը թողարկվում Է գրեթե յոթանասուն տարվա ընթացքում, խորը հույզեր կառաջացնի դրա հավատարիմ երկրպագուների մոտ»,-հայտարարել Է VwoA-ի ղեկավար Հինրիչ Վոբեկենը, նշելով, թե, քանի որ ընկերությունն անցնում Է ընտանիքի համար նախատեսված ավտոմեքենաների ամբողջական շարքի արտադրությանը, առայժմ Beetle մոդելի փոխարինման պլաններ չկան:
Ընկերությունը նաեւ նշում Է, որ փակ թափքով վերջին թողարկման «Բզեզի» արժեքը 2019 թվականին կկազմի 23,045 հազար դոլար SE մոդելների եւ 25,995 հազար դոլար՝ SEL մոդելների համար: Բաց թափքով համապատասխան մոդելների համար գինը կլինի 27,295 հազար դոլար եւ 29,995 հազար դոլար:
Volkswagen KՊfer «Բզեզը» Volkswagen AG գերմանական ընկերության կողմից թողարկվել Է 1938-ից մինչեւ 2003 թվականը: Այն ամենամասսայական ավտոմեքենան Է պատմության մեջ, որն արտադրվել Է առանց բազային կոնստրուկցիայի վերանայման: Ընդամենը պատրաստվել Է 21,529 մլն ավտոմեքենա: Volkswagen of America-ն Volkswagen Group-ի դուստր ընկերությունն Է: VwoA-ի գրասենյակը գտնվում Է Հեռնդոնում (Վիրջինիայի նահանգ), հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում