Յուլյա Տիմոշենկոն ուկրաինացիներին համեմատել Է Հին Եգիպտոսի ստրուկների հետ
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: «Բատկիվշչինա» քաղաքական կուսակցության առաջնորդ Յուլյա Տիմոշենկոն Facebook-ի իր Էջում պատմել Է ուկրաինացիների աղետալի վիճակի մասին՝ նրանց համեմատելով Հինգ Եգիպտոսի ստրուկների հետ: Նրա խոսքով՝ Ուկրաինայի իշխանությունները ծաղրանքով են վերաբերվում իրենց քաղաքացիներին, տեղեկացնում Է «Արմենպրես»-ը: «Ուկրաինայի գյուղերում սկսել են խնձոր ընդունել տնամերձ հողամասերից եւ այգիներից:
Գինը բացառիկ Է. 30 – 40 կոպեկ մեկ կիլոգրամի դիմաց: Հին Եգիպտոսում Թութանհամոնի ժամանակներում ստրուկներն ավելի մեծ վաստակ ունեին: Մարդկանց նկատմամբ անարգանքից բացի, դա այլ բան չի կարելի համարել»,- գրել Է Տիմոշենկոն: Բացի դրանից, նա Լեհաստանում աշխատող ուկրաինացիներին համարել Է այն «տնտեսական գործոնը», որը երկրում մարդկանց թույլ Է տալիս գոյատեւել: «Լեհաստանում աշխատող ուկրաինացիները երեք ամսում Ուկրաինա են ուղարկել 800 միլիոն դոլար: Դա հենց այն «տնտեսական գործոնն Է», որը մեր քաղաքացիներին օգնում Է այստեղ գոյատեւել, ի հեճուկս հայրենի իշխանության 145 «բարենորոգումների»,- հավելել Է Տիմոշենկոն, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում