ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Ֆրանսիացի 85-ամյա դերասան Ժան-Պոլ Բելմոնդոն հայտարարել Է, որ պատրաստ Է կրկին աշխատանքի վերադառնալ կինոյում: Այդ մասին, ինչպես տեղեկացնում Է «Արմենպրես»-ը, նա հայտնել Է հարցազրույցում, որը օգոստոսի 13-ին հրապարակվել Է Corse-Matin տարածաշրջանային թերթում: Այժմ Բելմոնդոն հանգստանում Է Կորսիկայի Սեն-Ֆլորան քաղաքում (կղզու հյուսիսային մաս):

«Ներկայում ես ոչ մի տեղ չեմ նկարահանվում, ֆիլմի մասնակցելու շուրջ վերջնական պայմանավորվածություն դեռեւս ձեռք չի բերվել: Բայց ես խորհրդածում եմ մի ամբողջ շարք առաջարկությունների վրա, ինչպես նաեւ հույս ունեմ, որ ինձ նոր առաջարկություններ կարվեն»,-ասել Է Բելմոնդոն: Նա պատասխանել Է հայտնված այն պնդումների վերաբերյալ հարցին, թե ինքը խաղալու Է ռեժիսոր Ֆաբիեն Օնտենիենտեի՝ Ֆրանսիայում լայն ժողովրդականություն վայելող «Քեմպինգ» կինոկատակերգության (2006 թ.) հեղինակի նոր ժապավենում:

«Ես ցանկություն ունեմ նկարահանվել կինոյում. այդ կիրքը, ըստ Էության, երբեք Էլ ինձ չի լքել: Բայց միեւնույն ժամանակ ցանկանում եմ, որ այդ ամենը լինի լավ կազմակերպված»,-նշել Է Բելմոնդոն, ընդգծելով, որ «հավատում Է ապագային», հաղորդել Է ՏԱՍՍ-ը: