Իտալիան ներկայացրել է 2026 թվականի Օլիմպիական խաղերն ընդունելու երեք քաղաքների համատեղ հայտը
20:28, 1 Օգոստոս 2018
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Իտալիայի ազգային օլիմպիական կոմիտեն ներկայացրել է Միլանի, Թուրինի և Կորտինա դ՝Ամպեցցո քաղաքների՝ 2026 թվականի Ձմեռային օլիմպիական խաղերի ընդունման համատեղ հայտը: Ինչպես փոխանցում է «Արմենպրես»-ը, այդ մասին տեղեկացնում է Իտալիայի ազգային օլիմպիական կոմիտեի պաշտոնական կայքը:
Այդ որոշումն ընդունվել է Իտալիայի ԱՕԿ-ի 261-րդ ազգային խորհրդի նիստում: Վերջին անգամ Օլիմպիական խաղերն Իտալիայում անցկացվել են 2006 թվականին: Այդ ժամանակ ձմեռային խաղերն ընդունել է Թուրինը:
2026 թվականի ձմեռային օլիմպիական խաղերի մայրաքաղաքը հայտնի կդառնա 2019 թվականի սեպտեմբերին: Խաղերի անցկացմանը հավակնում են նաև Թուրքիայի Էրզրումը, Ճապոնիայի Սապպորոն, Շվեդիայի Ստոկհոլմը և Կանադայի Կալգարին:
Բաժանորդագրվեք մեր ալիքին Telegram-ում