Սիրիայի հարավում առնվազն 32 մարդ է զոհվել մի շարք ահաբեկչությունների հետեւանքով. AFP
10:33, 25 Հուլիս 2018
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: Սիրիայի հարավի Էս Սուվեյդայի նահանգում հուլիսի 25-ին առնվազն 32 մարդ է զոհվել, տասնյակները վիրավորվել մի շարք ահաբեկչական գործողությունների հետեւանքով: Ինչպես տեղեկացնում Է «Արմենպրես»-ը, այս մասին հաղորդել Է AFP գործակալությունը:
Գործակալության տվյալներով՝ ահաբեկչական գործողությունները կազմակերպել է «Իսլամական պետություն» խմբավորումը երկրի կառավարության վերահսկողության տակ գտնվող շրջաններում:
Ավելի վաղ SANA լրատվական գործակալությունը հայտնել Է, որ հուլիսի 25-ին հուժկու պայթյուն է որոտացել Սիրիայի հարավ - արեւմուտքի Էս Սուվեյդա քաղաքում: Գործակալության տվյալներով՝ մահապարտ ահաբեկիչն իրեն պայթեցրել Է շուկայի շրջանում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում