Ժամանակը Երևանում՝ 11:07:36,   16 Հոկտեմբեր

Իրանի ԱԳՆ-ն Փոմպեոյի հայտարարությունները ներքին գործերի միջամտություն Է որակել


ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի պետքարտուղար Մայքլ Փոմպեոյի հակաիրանական հայտարարություններն ԱՄՆ-ի ակնհայտ միջամտություն են Իրանի ներքին գործերին: Հուլիսի 23-ին այս մասին հայտարարել Է Իրանի ԱԳ նախարարության պաշտոնական ներկայացուցիչ Բահրամ Գասեմին, հաղորդվում Է գերատեսչության կայքում, տեղեկացնում Է «Արմենպրես»-ը:

«Այդ ճառն ԱՄՆ-ի ակնհայտ միջամտություն Է Իրանի ներքին գործերին եւ գնում Է տարածաշրջանի իրադրության ապակայունացման նախկին քաղաքականության հունով, ինչպես նաեւ վկայում Է Վաշինգտոնի կողմից միջազգային պարտավորությունների խախտման մասին»,- ասել Է Գասմեին: Նա նաեւ նշել Է, որ «պետքարտուղարի հայտարարությունը ոչ այլ ինչ Է, քան քարուզչություն»: Հուլիսի 22-ին Փոմպեոն Վենտուրայի օկրուգում (Կալիֆոռնիայի նահանգ) ելույթ Է ունեցել ԱՄՆ-ի նախկին նախագահ Ռոնալդ Ռեյգանի գրադարանում: Պետքարտուղարը խիստ քննադատել Է Իրանի քաղաքականությունը, Իսլամական Հանրապետության բարձրագույն ղեկավարությանը համեմատել մաֆիական կառուցվածքի հետ եւ Իսլամական Հեղափոխության ղեկավար եւ հոգեւոր առաջնորդ Ալի Խամենեիին մեղադրել կոռուպցիայի մեջ, հաղորդել Է ՏԱՍՍ-ը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ