Չինաստանն ԱՄՆ-ից ապրանքների համար մաքսեր կսահմանի հուլիսի 6-ի կեսգիշերին. Reuters
11:58, 4 Հուլիս 2018
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Չինաստանը ԱՄՆ-ից ապրանքների համար 34 միլիարդ դոլար գումարի առեւտրական մաքսեր կսահմանի սկսած Պեկինի ժամանակով հուլիսի 6-ի կեսգիշերից: Ինչպես տեղեկացնում Է «Արմենպրես»-ը, այս մասին հաղորդել Է Reuters գործակալությունը՝ վկայակոչելով աղբյուրներ:
Հունիսին Bloomberg գործակալությունը հաղորդել Է հուլիսի 6-ին ԱՄՆ-ից գյուղատնտեսական ապրանքների, ավտոմոբիլների եւ ծովամթերքի համար 34 միլիարդ դոլար գումարի մաքսեր սահմանելու՝ ՉԺՀ-ի մտադրության մասին: Ըստ որում նշվել Է, որ այդ երկրից այլ կատեգորիայի ապրանքների համար մաքսերի սահմանման ժամկետը հայտնի կլինի ավելի ուշ: Ընդամենը պլանավորում Է սահմանել 50 միլիարդ դոլար գումարի մաքսեր ամերիկյան ապրանքների համար, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում