Tesla-ն կփակի գործարարության մի մասը
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Իլոն Մասքի Tesla ընկերությունը մասնակիորեն կդադարեցնի արեւային պանելների արտադրության եւ տեղակայման գործարարությունը: Այս մասին, ինչպես տեղեկացնում Է «Արմենպրես»-ը, հաղորդել Է Reuters-ը՝ վկայակոչելով ընկերության ներքին փաստաթղթեր, ինչպես նաեւ իրադրությանը ծանոթ աղբյուրներ:
Տրամադրված տեղեկատվության համաձայն՝ Էլեկտրամոբիլներ արտադրողն ԱՄՆ-ի ինը նահանգներում կփակի իր ստորաբաժանումների ավելի քան մեկ տասնյակ մասնաճյուղեր, որոնք մասնագիտացած են արեգակնային Էներգիայի պանելների բնագավառում: Այժմ SolarCity-ն՝ Tesla-ի դուստր ընկերությունը, շուրջ 60 մասնաճյուղ ունի:
Ավելի վաղ հաղորդվել Էր, որ Tesla-ում տեղի կունենան զանգվածային արձակումներ՝ ծախսերը կրճատելու, բայց ըստ որում շահութաբերությունը պահպանելու նպատակով: Reuters-ի տվյալներով՝ այս որոշումը վերաբերել Է այդ թվում նաեւ SolarCity-ին, որը Tesla-ն ձեռք Է բերել 2016 թվականին 2,6 մլրդ դոլարով:
Բաժանորդագրվեք մեր ալիքին Telegram-ում