Ժամանակը Երևանում՝ 11:07:36,   17 Նոյեմբեր

Ինչպե՞ս կարող էր բանակի գեներալը նման քայլ անել. Սասուն Միքայելյանը ծանր է տանում Մանվել Գրիգորյանի հետ կապված ԱԱԾ-ի բացահայտումը


ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Ազգային ժողովի «Ելք» խմբակցության պատգամավոր Սասուն Միքայելյանը ծանր է տանում այն ամենը, ինչ կատարվում է Ազգային ժողովում: Նա խորհրդարանում լրագրողների հետ զրույցում նշեց, որ Մանվել Գրիգորյանը, ով բանակի գեներալ է, իրավունք չուներ նման կերպ վարելու:

«Իրապես ծանր եմ տանում այս ամենը, փաստորեն բանակի գեներալը նման գործով մեղադրվում է: Կարծում եմ, որ այս դեպքից հետո շատ շատերը զգոն կլինեն և ի վերջո կհասկանան, որ անպատժելիության մթնոլորտը վերանում է և ամեն անօրինական արարքի համար պատասխան են տալու»,- «Արմենպրես»-ի հաղորդմամբ՝ ասաց Սասուն Միքայելյանը:

Լրագրողների հարցին, թե արդյոք Մանվել Գրիգորյանը միայնակ էր կատարել այդ գործողությունը, Սասուն Միքայելյանը նշեց, որ այս հարցի պատասխանը կտան իրավապահ մարմինները:

«Այս ամենն անպատժելիության հետևանք է, և եկել է նախորդ իշխանությունից: Չեմ կարող հիմա մեղադրել այլ անձանց, բայց որ օրենքի առաջ բոլորը հավասար են լինելու, համոզված եմ: Այժմ գնում է քննություն և պարզ կլինի, թե ովքեր են անցնում այս գործով»,-ասաց Սասուն Միքայելյանը:

Լրագրողները հիշեցրին, որ Սասուն Միքայելյանը ժամանակին եղել է ՀՀԿ-ից: «Ես եղել եմ ՀՀԿ պատգամավոր, հպարտ եմ, որ Վազգեն Սարգսյանի հետ Կոտայքի մարզում հիմնեցինք գրասենյակ: Իմ գործունեության ընթացքում ես միշտ եղել եմ պարզ և ասել եմ ամեն ինչ: Ես եղել եմ Հանրապետական կուսակցության, այլ ոչ թե հանրասեփական կուսակցության անդամ»,-ասաց Սասուն Միքայելյանն՝ ընդգծելով, որ եթե Վազգեն Սարգսյանը ողջ լիներ, ապա շատ մարդիկ ավելի շուտ կպատժվեին:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ