ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Հյուսիսային Կորեայի առաջնորդ Կիմ Չեն Ընն ԱՄՆ-ի նախագահ Դոնալդ Թրամփի հետ կայացած բանակցություններում հայտարարել Է, որ Կորեական թերակղզու միջուկազերծման հասնելու համար ԱՄՆ-ն եւ ԿԺԴՀ-ն պետք Է ձեռնպահ մնան դիմակայությունից եւ միջոցներ ձեռնարկեն կայունությունը երաշխավորելու համար: Այդ մասին, ինչպես տեղեկացնում Է «Արմենպրես»-ը, հայտնել Է Կորեայի կենտրոնական հեռագրական գործակալությունը:

«Կիմ Չեն Ընը հայտարարել Է, որ Կորեական թերակղզում խաղաղության եւ կայունացման հասնելու եւ միջուկազերծման իրականացման համար երկու երկրները պետք Է միմյանց դեմ թշնամական գործողություններից ձեռնպահ մնալու պարտավորություններ ստանձնեն՝ հիմնվելով փոխըմբռնման վրա, եւ օրինական ու ինստիտուցիոնալ միջոցներ ձեռնարկեն այդ երաշխիքների համար»,- գրել գործակալությունը:

«Կիմ Չեն Ընը եւ Թրամփը միասնական դիրքորոշում են հայտնել Կորեական թերակղզում խաղաղության, կայունության եւ միջուկազերծման հասնելու նպատակով քայլ առ քայլ եւ միաժամանակյա գործողությունների կատարման կարեւորության վերաբերյալ»,- ընդգծված Է գործակալության հաղորդագրության մեջ, հաղորդել Է ՌԻԱ Նովոստին: