Ժամանակը Երևանում՝ 11:07:36,   18 Նոյեմբեր

Ռուբեն Սաֆրաստյանը Մերձավոր Արևելքում Թուրքիայի ակտիվացումը պայմանավորում է  դիվանագիտական խաղով


ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Սիրիայի Մանբիջի շրջանի շուրջ Թուրքիայի, Միացյալ Նահանգների և քրդերի միջև ստեղծված հակասությունների կծիկը կարծես թե սկսում է հանգուցալուծվել հօգուտ Թուրքիայի:

«Արմենպրես»-ի հաղորդմամբ` հունիսի 11-ին լրագրողների հետ հանդիպմանն այս մասին ասաց Արևելագիտության ինստիտուտի տնօրեն Ռուբեն Սաֆրաստյանը՝ հավանական համարելով, որ Մանբիջն ի վերջո կհանձնվի թուրքերի վերահսկողությանը: «Թուրքիան Մերձավոր Արևելքում գնալով ակտիվանում է, և դրա վկայությունը Իրաքի հյուսիսում տեղակայված Քրդստանի բանվորական կուսակցության ռազմական բազաների վրա հարձակումն է օդային ճանապարհով: Խոսակցություններ կան, որ Թուրքիան պատրաստվում է բազաների վրա հարձակողական գործողություններ իրականացնել նաև ցամաքային ուժերի ներգրավմամբ»,-նշեց նա:

Սիրիայի իրադրությանն անդրադառնալով՝ Արևելագիտության ինստիտուտի տնօրենն ընգծեց, որ այդ երկրի բանակը, ապստամբները, Իսրայելը, Սիրիայում իրադրության գնահատականների առումով որոշակի հավասարակշռության են հասել: «Սա հանգեցրել է նրան, որ Սիրիայում իրադրությունը դանդաղ, բայց հստակ քայլերով գնում է մի նոր իրավիճակի ստեղծում, որտեղ կլինի Սիրիան` ի դեմս Ասադի, կլինեն ապստամբ ուժերը, որոնք նրա դեմ պայքարում են, քրդեը և այստեղ ներգրավված օտար պետությունները»,-հավելեց նա:

Սաֆրաստյանը նշեց, որ Թուրքիան շարունակում է իր դիվանագիտական խաղը՝ օգտագործելով ՆԱՏՕ-ի անդամի իր կարգավիճակը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ