Ժամանակը Երևանում՝ 11:07:36,   22 Սեպտեմբեր

Նադալը «Ռոլան Գարոս»-ի եզրափակչում կմրցի Տիմի հետ


ԵՐԵՎԱՆ, 9 ՀՈՒՆԻՍԻ, ԱՐՄԵՆՊՐԵՍ: Թենիսի «Մեծ սաղավարտ»-ի տարեվ 4 մրցաշարերից «Ռոլան Գարոս»-ի տղամարդկանց մենախաղի եզրափակչի մասնակիցները հայտնի են:

«Արմենպրես»-ի հաղորդմամբ` Ֆրանսիայի բաց առաջնության կիսաեզրափակչում աշխարհի առաջին ռակետ Ռաֆայել Նադալը 6:4, 6:1, 6:2 հաշվով գերազանցեց Օլիմպիական խաղերի արծաթե մեդալակիր արգենտինացի թենիսիտ Խուան Մարտին դել Պոտրոյին: Եզրափակչում Նադալը կմրցի Ավստրիան ներկայացնող Դոմինիկ Տոմի հետ:

«Ռոլան Գարոսն» անցկացվում է 1891 թվականից: Մրցաշարը միակն է «Մեծ սաղավարտի» չորս մրցաշարից, որն անցկացվում է հողածածկ կորտերում: «Ռոլան Գարոսի» ամենատիտղոսակիր մասնակիցը իսպանացի Ռաֆայել Նադալն է, ով 10 անգամ հաղթել է այս մրցաշարում: Այս տարի «Ռոլան Գարոսն» անցկացվում է մայիսի 27-ից հունիսի 10-ը:  




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ