Գագիկ Միրիջանյանը համոզված է՝ անցած ուղին հնարավորություն կտա արդյունավետ աշխատել Արմավիրի մարզպետի պաշտոնում
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Արմավիրի նորանշանակ մարզպետ Գագիկ Միրիջանյանը համոզված է, որ իր անցած ուղին և աշխատանքային փորձը հնարավորություն կտան արդյունավետ աշխատել նոր պաշտոնում: «Ես մասնագիտությամբ հանրային առողջության կազմակերպիչ եմ, իմ մասնագիտությունը զուտ բուժական գործը չէ, այլ հանրության հետ կատարվելիք աշխատանքները»,- «Արմենպրես»-ի փոխանցմամբ, կառավարության նիստից հետո լրագրողների հետ ճեպազրույցում ասաց Արմավիրի նորանշանակ մարզպետ Գագիկ Միրիջանյանը՝ պատասխանելով հարցին, թե ինչպե՞ս կարող է իր մասնագիտությունը ծառայեցնել մարզին: «Կարծում եմ, որ իմ անցած ուղին և աշխատանքային փորձը կօգնեն ինձ հետագայում այդ աշխատանքները կատարելու համար: Իմ մասնագիտության մեջ առաջնային եղել է կանխարգելումը, ոչ թե բուժումը: Մարզում էլ իրականացնելու ենք առաջին կանխարգելիչ աշխատանքները»,- ասաց մարզպետը:
Միրիջանյանը մարզպետի պաշտոնում նշանակվել է կառավարության հունիսի 8-ի նիստում ընդունված որոշմամբ:
Բաժանորդագրվեք մեր ալիքին Telegram-ում