Երևանում՝ 11:07,   22 Ապրիլ 2024

Գոթեբորգի Հյելբո տաճարում կայացել է հայ հոգևոր երաժշտության երեկո

Գոթեբորգի Հյելբո տաճարում կայացել է հայ հոգևոր երաժշտության երեկո

ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Շվեդիայի Գոթեբորգ քաղաքի ավետարանական Հյելբո տաճարում, տեղի հայ և շվեդական եկեղեցական համայնքները կազմակերպել են հայ հոգևոր երաժշտության երեկո՝ Հայաստանից ժամանած դուդուկահար Արսեն Պետրոսյանի և երգեհոնարար Լեյֆ Թյուլհագեի համատեղ կատարմամբ։ Ինչպես «Արմենպրես»-ին տեղեկացրեց Կենտրոնական Եվրոպայի Հայրապետական պատվիրակի Սկանդինավիայի փոխանորդ հոգեշնորհ Եղիշե վարդապետ Վետիսյանը, հանդիսության բացման և օրհնության խոսքով հանդես են եկել Կենտրոնական Եվրոպայի Հայրապետական պատվիրակի Սկանդինավիայի փոխանորդ հոգեշնորհ Տ․ Եղիշե վարդապետ Ավետիսյանը և Հյելբո եկեղեցու հոգևոր հովիվ Էմանուել Ֆյուրբակենը՝ անդրադառնալով նաև հայ եկեղեցական երաժշտության արվեստի յուրահատկությանն ու բացառիկ մեղեդայնությանը։

Հանդիսությանը ներկա են եղել Գոթեբորգի հայ և օտար համայնքների հավատացյալներ, հոգևորականներ և բարձրաստիճան պաշտոնյաներ, ինչպես նաև Գրեմմի շվեդ մրցանակակիր, կոմպոզիտոր Օկե Պարմերուդը։
Հանդիսությունն ամփոփվել է հոգեշնորհ հայր Եղիշե վարդապետ Ավետիսյանի «Պահպանիչ» աղոթքով:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]