ԵՐԵՎԱՆ, 6 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետության Լոռու մարզում  հունիսի 6-ին՝ տեղական ժամանակով 17:07-ին գրանցվել է 4,3 մագնիտուդով երկրաշարժ: Այս մասին «Արմենպրես»-ի հետ զրույցում ասացին ՀՀ արտակարգ իրավիճակների նախարարության լրատվական ծառայությունից:

Երկրաշարժը զգացվել է Սպիտակի, Վանաձորի տարածքում: Տվյալներ ավերածությունների կամ տուժածների մասին չկան:

Եվրոպական միջերկրածովյան սեյսմոլոգիական կենտրոնի (EMSC) տվյալներով` էպիկենտրոնը գտնվել է Վանաձոր քաղաքից 37 կմ հյուսիս-արևմուտք, Տաշիր քաղաքից 13 կմ հարավ-արևմուտք:

ՀՀ ԱԻՆ տեղեկություններով՝  ստորգետնյա ցնցման ուժգնությունը էպիկենտրոնում կազմել է 5-6 բալ: Երկրաշարժը զգացվել է ՀՀ-ում՝ Սպիտակ և Վանաձոր քաղաքներում 5-6 բալ, Գյումրի քաղաքում՝ 3-4 բալ, Երևանում՝ 3 բալ:

Երկրաշարժ էր գրանցվել նաև հունիսի 6-ին՝ տեղական ժամանակով ժամը 07:58-ին (Գրինվիչի ժամանակով` ժամը 03:58-ին)՝ հյուսիսային լայնության 41.020 և արևելյան երկայնության 43.780 աշխարհագրական կոորդինատներով (Հայաստան, Բավրա գյուղից 11 կմ հարավ-արևմուտք), օջախի 10 կմ խորությամբ, 3.3 մագնիտուդով երկրաշարժ: Երկրաշարժին հաջորդել է 0.8, 1.5, 1.6 մագնիտուդով երեք հետցնցում: Ստորգետնյա ցնցման ուժգնությունն էպիկենտրոնում կազմել է 4-5 բալ:

Երկրաշարժը զգացվել էր ՀՀ-ում՝ Բավրա գյուղում՝ 3-4 բալ, Գյումրի քաղաքում` 2-3 բալ: