Ստալոնեն ֆիլմ կնկարահանի Թրամփի կողմից ներման արժանացած բռնցքամարտիկի մասին. TMZ
ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Ամերիկացի դերասան եւ պրոդյուսեր Սիլվեստր Ստալոնեն ֆիլմ Է նկարահանելու բռնցքամարտիկ Ջեկ Ջոնսոնի մասին, որին ավելի վաղ հետմահու ներում Է շնորհել ԱՄՆ-ի նախագահ Դոնալդ Թրամփը: Այդ մասին, ինչպես տեղեկացնում Է «Արմենպրես»-ը, հայտնել Է TMZ-ն: Ինչպես գրում Է հրատարակությունը, Ստալոնեի Balboa Productions ընկերությունը համագործակցելու Է Metro Goldwyn Mayer ստուդիայի հետ:
Մայիսի վերջին Թրամփը ներում Է շնորհել բռնցքամարտիկ Ջեկ Ջոնսոնին, որը 20-րդ դարի սկզբին դարձել Էր ծանր քաշում աշխարհի առաջին սեւամորթ չեմպիոնը:
Ներման փաստաթղթի ստորագրմանը ներկա Է եղել Ստալոնեն, որն Էլ, ինչպես ավելի վաղ գրել Է Թրամփը, իրեն ներկայացրել Է այդ մարդու պատմությունը
: Ջոնսոնին 1913 թվականին դատապարտել են այսպես կոչված Մաննի օրենքով, որն ընդունվել Է 1910 թվականին եւ պատիժ Էր նախատեսում կանանց «անբարո նպատակներով» նահանգից նահանգ տեղափոխելու համար: Նրա դեմ ցուցմունքներ Էր տվել այն կինը, որի հետ նա հանդիպում Էր 1909 եւ 1910 թվականներին: Չնայած այն բանին, որ մեղադրանքի համար առիթ դարձած իրադարձությունները տեղի Էին ունեցել նախքան օրենքի ընդունումը, բռնցքամարտիկին դատապարտել Էին մեկ տարի եւ մեկ օրվա բանտարկության, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում