ՀՀ վարչապետը հուսով է, որ ՃԵԿ կանոնները խախտող պաշտոնյաների նկատմամբ միջոցներ ձեռնարկելու անհրաժեշտություն չի լինի
21:21, 27 Մայիս 2018
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը պաշտոնյաներին ճանապարհային երթևեկության կանոնները պահպանելու կոչ է արել։
«Արմենպրես»-ի հաղորդմամբ՝ ֆեյսբուքյան իր էջում ՀՀ վարչապետը, գրառում է կատարել. «Զարմանում եմ տեղեկանալով, որ Հայաստանում դեռ կան պաշտոնյաներ, որոնց մեքենաները շարունակում են չկանգնել լուսացույցի կարմիր լույսի տակ։
Եթե երկրի ղեկավարը՝ վարչապետը այդպես չի վարվում եւ հրաժարվել է ճռռիկ, վռռիկներով երթեւեկելու մարդկանց նյարդայնացնող պրակտիկայից, մյուս պաշտոնյաները պետք է հասկանային, որ իրենց վարքագծում նույնպես պետք է համարժեք փոփոխություններ տեղի ունենան»։
ՀՀ վարչապետը հույս է հայտնել, որ «ընդամենը թյուրըմբռնում է», եւ հավելյալ միջոցներ ձեռնարկելու անհրաժեշտություն չի լինի։
Բաժանորդագրվեք մեր ալիքին Telegram-ում