Ժամանակը Երևանում՝ 11:07:36,   15 Դեկտեմբեր

Նիկոլ Փաշինյանը հորդորել է չմոռանալ քաղաքացուն արվեստին մոտ կանգնեցնելու մասին


ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ:   Հայաստանի նկարիչների միության նախագահ Կարեն Աղամյանը մայիսի 25-ին ՀՀ վարչապետ Նիկոլ Փաշինյանի հետ հանդիպմանը  նշեց, որ անհրաժեշտ է մշակել մի օրենք, որը կհամակարգի ստեղծագործական միությունների և պետության միջև կապը:

«Արմենպրես»-ի հաղորդմամբ` նա առաջարկեց ստեղծագործական միության մասին օրենք ստեղծել` օգտվելով այլ զարգացած երկրների փորձից:

Ի պատասխան Աղամյանի հնչեցրած խնդրի` վարչապետն ասաց, որ ստեղծագործական միությունների գործունեության խնդիր է ծագում, քանի որ այն կարգավորվում է հասարակական կազմակերպությունների մասին օրենքի շրջանակում և այնտեղ որոշ բարդություններ են ծագում: «Պետք է հասկանալ, թե ինչումն է խնդիրը, և, եթե օրենքի անհրաժեշտություն կա, և դա պետք է օգնի, կարելի է քննարկել օրենքի ընդունումը, բայց ես ցանկանում եմ, որ մենք չկորցնենք մեր ամենակարևոր թիրախը քաղաքացուն մշակույթի և արտիստի հետ կապելու մեր բարձրագույն նպատակը: Ինչ մենք անենք և ինչ գործողություն ձեռնարկենք պետք է ունենանք մի շատ հստակ հարցի պատասխան, թե ինչպե՞ս և ինչու՞ է մեր այս գործողությունը մարդուն կապելու մշակութային կյանքին»,-ընդգծեց Փաշինյանը:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ