Լոռու մարզի երկու համայնքներում գայլերը տասնյակ ոչխարներ են հոշոտել
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: «911» ծառայությունը մայիսի 24-ին տեղեկություն է ստացել, որ Լոռու մարզի Լեռնահովիտ համայնքի թիվ 1 փողոցի 2-րդ տանը հարակից անասնագոմում գայլերը հոշոտել են Գ. Վ.-ին պատկանող 8, վնասել՝ 2 ոչխար, իսկ 12 ոչխար կորել է: Ինչպես «Արմենպրես»-ին տեղեկացրին արտակարգ իրավիճակների նախարարությունից, դեպքի վերաբերյալ տեղեկացվել է Լեռնահովիտի գյուղապետը, ՃԿԱԿ-ում ՀՀ գյուղատնտեսության նախարարության ներկայացուցիչը և Բնապահպանության նախարարության ներկայացուցիչը:
Մայիսի 24-ին ոչխարների վրա գայլերի հարձակման դեպք է արձանագրվել նաև Լոռու մարզի Լեջան համայնքի 5-րդ փողոցի թիվ 7 տանը հարակից անասնագոմում, որտեղ գայլերը հոշոտել են Է. Հ.-ին պատկանող 9 ոչխար և ևս 9-ին՝ վնասել:
Ստացված տեղեկությունը փոխանցվել է Լեջանի գյուղապետին, Լոռու մարզպետարանի գյուղատնտեսության վարչության պետին, ՃԿԱԿ-ում ՀՀ գյուղատնտեսության նախարարության ներկայացուցչին և Բնապահպանության նախարարության ներկայացուցչին:
Բաժանորդագրվեք մեր ալիքին Telegram-ում