ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Հայաստանի ֆուտբոլի ազգային թիմի նախկին լեգենդար դարպասապահ Ռոման Բերեզովսկին, ով այժմ հավաքականի դարպասապահների մարզիչն է, մեծ հույսեր է կապում Վարդան Մինասյանի վերանշանակման հետ:

«Մինասյանի հետ վաղուց ենք ճանաչում իրար և չեմ կարծում, որ խնդիրներ կունենանք իրար հետ: Նա արդեն ապացուցել է, որ բարձրակարգ մարզիչ է: Ամեն ինչ մեզնից է կախված, որ հավաքականը նորից լավ արդյունքի հասնի: Մինասյանի հետ լավ կաշխատենք և արդյունքի կհասնենք»,-«Արմենպրես»-ի հաղորդմամբ՝ լրագրողների հետ զրույցում ասաց Բերեզովսկին:

Հայաստանի ֆուտբոլի ազգային թիմը մայիսի 29-ին կմրցի Մալթայի հետ, ապա՝ հունիսի 4-ին ուժերը կչափի Մոլդովայի հավաքականի հետ։ Երկու խաղն էլ կկայանա Ավստրիայում։