Հայաստանի ռուսական ռազմակայանում կայացել Է զինծառայողների՝ պահեստ արձակման արարողությունը
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Գյումրիի զինվորական կայազորի «Պատվո բլուր» հուշահամալիրում կայացել Է Հայաստանի ռուսական ռազմակայանի՝ զորակոչով զինծառայողների պահեստ արձակման հանդիսավոր արարողությունը: Ռուսաստանի տարբեր տարածաշրջաններից զինվորներին եւ սերժանտներին ի հիշատակ հանձնել են պատիճներ՝ Ռուս սպաների գերեզմանից վերցված հողով, որոնք 100 տարի առաջ Հայաստանի տարածքում մասնակցել են պատերազմների: Այդ մասին «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից:
Զինծառայողները, նրանց ընտանիքների անդամները, վետերանները եւ հրավիրված հյուրերը դարձել են Զինվորական պատվի մարտական դրոշին հրաժեշտ տալու վկաները:
Ռուսական կայսրության գոյության ժամանակներից ի վեր զորամասի Մարտական դրոշին հրաժեշտ տալու արարողությունը միշտ Էլ Ռուսական բանակի պատմական ավանդույթների անկապտելի մասն Է եղել»,- ասել Է ռազմակայանի հրամանատար գնդապետ Վլադիմիր Ելկանովը: Լավագույն զինծառայողները միավորման հրամանատարության կողմից խրախուսվել են «Կովկասում ծառայության համար» կրծքանշաններով եւ պատվոգրերով:
Բաժանորդագրվեք մեր ալիքին Telegram-ում