Դանիայի ներգաղթի նախարարը մուսուլմաններին առաջարկել Է արձակուրդ գնալ Ռամադան ամսին
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Դանիայի ներգաղթի ու ինտեգրացման նախարար Ինգեր Ստոյբերգը Ռամադանի պատվիրանները կատարող մուսուլմաններին, որոնք հրաժարվում են ուտելիքից ու խմիչքից, կոչ Է արել արձակուրդ գնալ, որպեսզի վտանգներ չստեղծեն թագավորության մնացած բնակիչների համար:
Այդ մասին, ինչպես տեղեկացնում Է «Արմենպրես»-ը, մայիսի 21-ին հայտնել են դանիական ԶԼՄ-ները: «Ես ցանկանում եմ հորդորել բոլոր մուսումաններին՝ իրենց աշխատատեղերը թողնել Ռամադան ամսին՝ Դանիայի մնացած հասարակության համար բացասական հետեւանքներից խուսափելու համար»,- գրում Է Ստոյբերգը BT դանիական թերթի իր սյունակում:
Ստոյբերգը նշում Է, որ Դանիայում գործում Է դավանանքի ազատությունը, սակայն Ռամադանի պատվիրանների կատարումը կարող Է վտանգավոր լինել հասարակության մնացած մասի համար: Մասնավորապես, նախարարը որպես օրինակ բերել Է մուսուլման վարորդներին, որոնք օրական ավելի քան տասը ժամ սնունդ չեն ընդունում, բայց շարունակում են գտնվել ղեկի առջեւ: «Դա կարող Է վտանգավոր լինել մեզ բոլորիս համար»,-ընդգծել Է Ստոյբերգը, հավելելով, որ Ռամադանն ազդում Է մարդկանց «անվտանգության եւ արդյունավետության» վրա: 2018 թվականին Ռամադանն սկսվել Է մայիսի 16-ին եւ տեւելու Է մինչեւ հունիսի 14-ը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում