396.71
Ժամանակն է, որ միջազգային հանրության հակազդեցությունն Ադրբեջանի ռազմատենչ հռետորաբանությանը լինի ավելի գործնական. Փաշինյան
1 րոպեի ընթերցում
ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Հայաստանի Հանրապետության վարչապետ Նիկոլ Փաշինյանը այն կարծիքին չէ, որմիջազգային հանրություննանցած տարիների ընթացքում հանդուրժել է Ադրբեջանի ռազմատենչ հռետորաբանությունը, սակայն գտնում է, որ միջազգային հանրության հակազդեցությունը ադրբեջանական հռետորաբանությանը պետք է լինի ավելի գործնական: «Արմենպրես»-ի փոխանցմամբ՝ ՀՀ վարչապետը նման կարծիք հայտնեց Արցախում կայացած մամուլի ասուլիսի ընթացքում:
«Ադրբեջանի ռազմատենչ հռետորաբանության վերաբերյալ եղել են արձագանքներ դիվանագիտական մակարդակով և խողովակներով, և կարծում եմ, որ ժամանակն է, որպեսզի միջազգային հանրության հակաազդեցությունը ռազմատենչ հռետորաբանությանը լինի ավելի գործնական և ավելի հրապարակային»,- ասաց ՀՀ վարչապետը:
Նա կարծիք հայտնեց, որ ԼՂ հակամարտության կարգավորման բանակցություններն այս պահին փակուղու մեջ են, իսկ ինքն իրականում առաջարկում է փակուղուց դուրս գալու տարբերակ:
Բաժանորդագրվեք մեր ալիքին Telegram-ում