«Ռեալ»-ը հաղթեց «Բավարիա»-ին Մյունխենում. ՉԼ կիսաեզրափակիչ
00:40, 26 Ապրիլ 2018
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ֆուտբոլի Չեմպիոնների լիգայի կիսաեզրափակչի առաջին խաղում Մադրիդի «Ռեալ»-ն արտագնա խաղում հաղթեց «Բավարիա»-ին (1:2):
«Արմենպրես»-ի հաղորդմամբ՝ Մյունխենի նույն անվանումն ունեցող մարզադաշտում կայացած խաղում առաջինը հանդիպման հաշիվը բացեցին «Բավարիա»-ի ֆուտբոլիստները: 28-րդ րոպեին գոլի հեղինակ դարձավ Կիմիչը: Առաջին կեսի վերջին րոպեին «արքայական ակումբի» պաշտպան Մարսելոն վերականգնեց հաշվի հավասարությունը: Իսկ ահա 57-րդ րոպեին Ասենսիոն խփեց «Ռեալ»-ի հաղթական գնդակը:
Այս թիմերի պատասխան հանդիպումը կկայանա մեկ շաբաթ անց:
Բաժանորդագրվեք մեր ալիքին Telegram-ում