ԱՄՆ-ի Ներկայացուցիչների պալատն արգելեց օգնությունը Սիրիայի իշխանությունների կողմից վերահսկվող շրջաններին
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: ԱՄՆ-ի Կոնգրեսի Ներկայացուցիչների պալատն ընդունել Է օրինագիծ, որն արգելում Է ամերիկյան օգնությունը Սիրիայի այն շրջաններին, որոնք վերահսկվում են նախագահ Բաշար Ասադի իշխանությունների կողմից, տեղեկացնում Է «Արմենպրես»-ը:
Միեւնույն ժամանակ փաստաթղթի տեքստում նշված Է, որ վերականգնման գործում օգնություն կցուցաբերվի «դեմոկրատական Սիրիային կամ Էլ այն շրջաններին, որոնք չեն վերահսկվում իշխանությունների կողմից»:
Ներկայացուցիչների պալատի արտաքին գործերի կոմիտեի ղեկավար Էդ Ռոյսն օրինագիծը համարել Է «ժամանակին», քանի որ այն թույլ Է տալիս «կանխել ամերիկացի հարկատուների դոլարների հայտնվելն Ասադի հանցավոր վարչակարգի ու նրանց ձեռքին, ովքեր նրան պաշտպանում են»: Դրա հետ մեկտեղ, ինչպես ասել Է օրենսդիրը, «երբ գա օրը, երբ Սիրիայի կառավարությունը ղեկավարեն ոչ Ասադն ու նրա կողմնակիցները, ԱՄՆ-ը վերստին կքննարկի օգնություն ցույց տալու հարցը», հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում