«Ազատության» լրագրողի նկատմամբ բռնություն կիրառելու վերաբերյալ հրապարակումներն ուղարկվել են Քննչական կոմիտե
16:56, 21 Ապրիլ 2018
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Արտաշատում «Ազատության» ռադիոկայանի լրագրող Արուս Հակոբյանի նկատմամբ ապրիլի 21-ին քաղաքացիական հագուստով անձի կողմից բռնություն կիրառելու վերաբերյալ մամուլի հրապարակումները ՀՀ դատախազության կողմից ուղարկվել են Քննչական կոմիտե՝ Քրեական դատավարության օրենսգրքի 180-181-րդ հոդվածներով սահմանված կարգով նյութեր նախապատրաստելու: Այս մասին «Արմենպրես»-ին տեղեկացրին ՀՀ դատախազության հանրային կապերի բաժնից:
Արտաշատում «Ազատության» ռադիոկայանի լրագրող Արուս Հակոբյանն իր մասնագիտական գործունեություն իրականացնելիս է եղել, այդ պահին քաղաքացիական հագուստով տղամարդը հարվածել էին նրա դեմքին՝ փորձելով խլել տեսախցիկը:
Բաժանորդագրվեք մեր ալիքին Telegram-ում